ಹನಿ-ದನಿ





ಮಕ್ಕಳ ಬೆನ್ನಿಗೆ ರೆಕ್ಕೆಯನಂಟಿಸಿದ

ಗುರುವು

ತನ್ನ ನೆಲವ ಬಿಟ್ಟು ಹಾರಲೇ ಇಲ್ಲ!!

***






ವಿನಂತಿಗಳ ಸಂತೆಯಲಿ 

ಬೆಲೆಯಿರುವುದು

ಬಣ್ಣದ ಮಾತುಗಳಿಗಷ್ಟೇ!!

***



ಕಣ್ಣ ರೆಪ್ಪೆಯ ಗೋಡೆಗಳ

ಹಿಂದಡಗಿರುವುದು

ಬಣ್ಣದ ಕನಸುಗಳು!!

***



ಅವಳ ಅಡುಗೆ ಮನೆಯ

ಕತೆಗಳು-ವ್ಯಥೆಗಳು

ಹಾಳೆಗಳಿಗಿಳಿಯಲೇ ಇಲ್ಲ!!

***



ಅಪ್ಪನ ದಪ್ಪ ಮೀಸೆಯ

ಮರೆಯಲ್ಲವಿತಿರುವುದು

ನೋವಿನ ನಗೆಯೇನು?!

***



ಹಸಿವಿನ ಹೊರೆಯಡಿಯಲ್ಲಿ

ಮೊನ್ನೆಯ ತಂಗಳನ್ನವೂ

ಹಳಸದು!!

***



ಮನೆಯೊಡತಿಯ 

ಹೆಸರು

ಮನೆಯೊಡೆಯನ ಮಡದಿಯೆಂದು!!

***



ಸಿರಿವಂತನ ಸಂಪತ್ತಿನ ಮೂಟೆ

ಹೊತ್ತವನ ಗೋಣು ಮುರಿದರೂ

ಮುಗಿದದ್ದಿಲ್ಲ!!

***



ಸಂಸಾರದ ನೊಗ

ಅವನಿಗೆಂದೂ

ಭಾರವೆನಿಸಲಿಲ್ಲ!!

***



ಉಸಿರುಗಟ್ಟಿಸಿದ ಹತ್ತು ಜನರು

ಆತ ಸತ್ತ ಮೇಲೆ

ಸುತ್ತ ನಿಂತು ಅತ್ತರು!!


-ಪಲ್ಲವಿ ಕಬ್ಬಿನಹಿತ್ಲು

Comments

  1. Likhitha T. A.August 29, 2021 at 7:05 AM

    ತುಂಬ ಚೆನ್ನಾಗಿದೆ..

    ReplyDelete
  2. SulakshanaAugust 29, 2021 at 8:28 AM

    Nice

    ReplyDelete
  3. UnknownAugust 29, 2021 at 9:04 AM

    Nice👍

    ReplyDelete
  4. ramakrishnaAugust 29, 2021 at 10:50 AM

    ಒಂದೊಂದು ಎಸಳು ಅದ್ಭುತ💕😍

    ReplyDelete
  5. Swathi..GowdaAugust 29, 2021 at 11:56 AM

    ತುಂಬಾ ಚೆನ್ನಾಗಿದೆ.... ಹನಿಗವನಗಳು... ✌
    ಪರದೆಯಡಿ ಹುದುಗಿರುವ ಪದಗಳು😒

    ReplyDelete
  6. UnknownAugust 29, 2021 at 12:27 PM

    ಅದ್ಭುತವಾದ ಅರ್ಥಪೂರ್ಣ ಪದಗಳು.....

    ReplyDelete
  7. Ravi ElikkalaAugust 29, 2021 at 7:19 PM

    ಚೆನ್ನಾಗಿದೆ.. 👌

    ReplyDelete
  8. UnknownAugust 30, 2021 at 7:57 AM

    👌👌

    ReplyDelete

Post a Comment

Popular posts from this blog

DREAMS…

Image
  ‘DREAMS’ are plants that grow into trees That shelter you in the long journey… ‘DREAMS’ are strong birds That takes you to the heights of the sky… ‘DREAMS’ are the sparks That put shine into your eyes… Yet, The same ‘DREAMS’ could be, The tree that would uproot your house; The heights from where you might have death fall; The sparks that would turn into burning flames;   Some ‘DREAMS’ are to be lived; Some ‘DREAMS’ are to be strived; Some ‘DREAMS’ are to be chased; Some ‘DREAMS’ are to be yearned; Some ‘DREAMS’ are to be fancied; Some ‘DREAMS’ are just to be dreamt; And yet, Some other ‘DREAMS’ are to be let go So that, you don’t get trapped in their roots; So that, you don’t shatter into unmendable pieces; So that, you don’t burn your soul in it; So that, you are not sucked off the last ounce of spirit…   Will it not be cowardice to let go of the DREAM? The DREAM that you have nurtured with LOVE PASSION DETERMINATION SA
Read more

ಕಾಫಿಯ ಕಪ್ಪು

Image
ಕಾಫಿಯ ಕಪ್ಪು ಖಾಲಿಯಾಗಿದೆ, ಆದರೆ ಮಾತು ಶುರುವಾಗಲೇ ಇಲ್ಲ! ಅವಳು ಅವನೆದುರು ತಂದಿಟ್ಟದ್ದು  ಹಬೆಯಾಡುವ ಬಿಸಿ ಕಾಫಿಯ ಕಪ್ಪು ಅದು ಅವನಿಗಿಷ್ಟವಾದದ್ದು... ಬಂಧ ಬಂಧನವಾಗಿ ಕೊಂಡಿ ಕಳಚಿದ ಮೇಲೆ ಮಾತು ಕಿರಿಕಿರಿಯೆನಿಸಿದರೆ ಮೌನ ಅಸಹನೀಯ! ತಿಂಗಳುಗಳು ಕಳೆದರೂ ಅವನ ಕಂಡಾಗ ಅವಳ ನಿಟ್ಟುಸಿರ ದಟ್ಟತೆ ಕದಡಿ ಹೋದಂತಿಲ್ಲ: ಅವಳೆದುರು ಬಂದಾಗ ಅವನ ಹುಬ್ಬುಗಳು ಗಂಟಾಗದೆ ಉಳಿಯುವುದೇ ಇಲ್ಲ! ಸಪ್ತಪದಿ ತುಳಿದವರ ಹಾದಿ ಬೇರೆಯಾದಾಗ  ನಡುವೆ ಉಳಿದುಕೊಳ್ಳುವುದು ಕಂದಕ ಮಾತ್ರ!! ಮೌನದೊಳಗೆ ಹೂತು ಹಾಕಿದ್ದ ಮಾತುಗಳು ಮಾತಾಗದೆ ವ್ಯಾಜ್ಯಗಳಾಗಿದ್ದವು  ಕಗ್ಗಂಟಿನ ಗಂಟುಗಳ ಸಡಿಲಿಸಲು ಕ್ಷಮೆಗಾಗಿ ಇಂದಿನ ಭೇಟಿ! ಆ ಹೊತ್ತಿಗೆ ಜೊತೆಯಾಗಿ ನಕ್ಕ ಕ್ಷಣಗಳೆಲ್ಲಾ ಹೃದಯದ ಮೆದು ಪದರವನ್ನು ಚುಚ್ಚಿಕೊಂಡವು... ಕಣ್ಣಲ್ಲಿ ನೀರಾಡಿತು, ಆದರೆ ಮಾತು ಶುರುವಾಗಲೇ ಇಲ್ಲ; ಖಾಲಿ ಕಪ್ಪಿನ ತಳದಲ್ಲಿ ಒಂದಷ್ಟು ಕಪ್ಪು ಕರಿ ಉಳಿದುಕೊಂಡಿತ್ತು!! -ಪಲ್ಲವಿ ಕಬ್ಬಿನಹಿತ್ಲು
Read more

ಬಿಳಿ ಬದುಕು...

Image
   https://youtu.be/_K0NqvceTKk "EN LEFKO" (=In White)  Artist: Natassa Bofiliou (Νατάσσα Μποφίλιου)  ಈ ಹಾಡು ಅದೇಕೋ ಮನ ಮುಟ್ಟಿತು ... ಕನ್ನಡಕ್ಕೆ ಸಾಧ್ಯವಾದರೆ ಭಾವಾನುವಾದ ಮಾಡಬೇಕೆಂದುಕೊಂಡೆ... ಅದರ ಫಲಶ್ರುತಿ ಈ ಕೆಳಗಿನ ಪ್ರಯತ್ನ... (ಇಲ್ಲಿ "ಬಿಳಿ" ಯನ್ನು ಶೂನ್ಯ, ಬಣ್ಣ ರಹಿತ, ವ್ಯರ್ಥ ಎಂಬರ್ಥದಲ್ಲಿ ಉಪಯೋಗಿಸಿಕೊಳ್ಳಲಾಗಿದೆ) *ಬಿಳಿ  ಬದುಕು...* ಓ, ನನ್ನ ಬಿಳಿ ಬದುಕಿನ ಬಿಳಿಯ ಹಣೆಯ ಬರಹವೇ, ಕತ್ತಲ ನೆರಳಿನ ಮರೆಯಲ್ಲಿ ಅಡಗುವುದೇಕೆ ನೀನು? ನಿನ್ನ ಕಂಡ ಕ್ಷಣ ಬದುಕು ಪರದೆಯಂತೆ ಕಣ್ಮುಂದೆ ಸುಳಿದು ನನ್ನ ಬಿಂಬವೇ ನಿನ್ನ ಬಿಳಿಯ ರಂಗೆಂದುಕೊಳ್ಳುತ್ತೇನೆ! ಅವಿತುಕೊಳ್ಳದಿರು ಎನ್ನುವ ಧೈರ್ಯವಿದ್ದರೆ,  ಬೇಯಿಸುತ್ತಿರಲಿಲ್ಲ ಅಂತರಂಗವನ್ನು ಅಸಹಾಯಕತೆಯ ತಾಪ... ಈ ಮರುಳಿನ ನೆರಳು ಬಿಳಿ; 'ಸುಳ್ಳು' ಅದರ ಅಸ್ತಿತ್ವ! ಗಡಿಯಾರದ ಮುಳ್ಳು ಸಹ ಕುಣಿಯುತ್ತಿರುವುದು, ನನ್ನ ಬದುಕಿನ ಮೂಕ ಹಾಡಿಗೇ!! ಸ್ತಬ್ಧ ಬದುಕಿನ ಮೌನದ ಸಾಲುಗಳನ್ನು ಇರುವಷ್ಟು ಹೊತ್ತು ಅರಸುತ್ತೇನೆ, ಮೌನವನ್ನೆಲ್ಲಾ ಶಬ್ದಗಳನ್ನಾಗಿಸುತ್ತೇನೆ, ಆ ಶಬ್ದಗಳೊಳಗಡಗಿದ ಅರ್ಥವನ್ನು ವಿವರಿಸುವ ಜೀವವೊಂದಕ್ಕೆ ಹಾತೊರೆಯುತ್ತೇನೆ... ಆ ವ್ಯಕ್ತಿ ಬಂದು ಶಬ್ದಗಳಿಗೆ ವಿವರಣೆಯಾದಾಗ ಅವರೇ ನನ್ನ ಭವಿಷ್ಯದ ನಾವಿಕರಾಗಲೆಂದು ಹಂಬಲಿಸುತ್ತೇನೆ, ನೆನಪುಗಳಿಗೆ ಬೇಡಿ ಹಾಕಲೆಂದು ಬಯಸುತ್ತೇನೆ... ಆದರೇನಾಯಿತು, ಬಿಳಿ ಬದುಕು ನೂಕ
Read more