(ವಿ)ಚಿತ್ರ ಹನಿಗಳು-3

 

----------------------1-------------------------

ಎಲ್ಲವನ್ನೂ ತೊರೆದು ಸಾಧಕನಾಗಬೇಕು

ಎಂದಾತನಿಗೆ ಅಚ್ಚರಿ ಹುಟ್ಟಿಸಿದ್ದು;

ಬದುಕಿನ ಸಂತೆಯಿಂದ ಓಡಿ ಹೋಗುವುದು,

ಸಾಧನೆಯೇ? ಎಂಬ ಪ್ರಶ್ನೆ!!

----------------------2-------------------------

ನನ್ನಿರದಿರುವಿಕೆ ನಿನಗೊಮ್ಮೆ

ಕಾಡಿದರೂ ಸಾಕು, ಗೆಳತಿ,

ಈ ಕಾಯುವಿಕೆ ಸಾರ್ಥಕ!

----------------------3-------------------------

ಆಕಾಶಕೆ ಏಣಿ ಹಾಕುವ,

ಆಸೆ ಹೊತ್ತ ಮನಸಿಗೇನು ಗೊತ್ತು?

ವಾಸ್ತವವಾಗಿ ಆಕಾಶ ಖಾಲಿ ಎಂದು!!

----------------------4-------------------------

ಅಳೆದು ಕೊಡುವಂತಹದ್ದೇನೂ,

ನನ್ನಲಿಲ್ಲ ಗೆಳತಿ,

ಇದ್ದೊಂದು ಹೃದಯದ ಮಹಲಿಗೂ,

ಈಗ ನೀನೇ ಒಡತಿ!!

----------------------5-------------------------

ಚೆಂದುಟಿಗಳ ಮರೆಯಲ್ಲಿ,

ನಗುವನು ಅಡಗಿಸುವುದೇಕೆ ಗೆಳತಿ?!

ನಕ್ಕುಬಿಡು ಒಮ್ಮೆ;

ಬಿದ್ದ ಮುತ್ತುಗಳನೆತ್ತಿಕೊಂಡು,

ಸಿರಿವಂತನಾಗುತ್ತೇನೆ ನಾನು!

-ಪಲ್ಲವಿ ಕಬ್ಬಿನಹಿತ್ಲು